«Karvan» qarşıdakı mövsümdə Premyer Liqaya vəsiqə uğrunda mübarizə aparacaq.
Bu məqsədlə sponsorlar tərəfindən kluba əlavə vəsait ayrılıb. Həmin məbləğ isə 400 min manat civarındadır.
Çempionatın gedişindən asılı olaraq, bu vəsait bir qədər də artırıla bilər.
I Liqada yarışan Yevlax təmsilçisi yayın ən hərəkətli komandalarından biridir.
Kənan Kərimovu baş məşqçi postunda saxlayan «Karvan» son 1 ayda düşərgəsinə 15-ə yaxın yeni oyunçu gətirib. Onların arasında legionerlər də kifayət qədərdir.
SPORTİNFO.AZ
