"Növbəti mövsüm ÇL-də qrupdan çıxmağa çalışacağıq”

Avropa Liqaısnın 1/4 final mərhələsinin cavab qarşılaşmasında “Lion”a 2:1 hesabıyla qalib gəlsə də, oyunsonrası penaltilər seriyasında uduzaraq mübarizəni dayandıran “Beşiktaş”ın baş məşqçisi Şenol Günəş matçla bağlı fikirlərini bölüşüb. Sportinfo.az xəbər verir ki, təcrübəli mütəxəssis üzgün olduqlarını, amma başlarını dik tutduqlarını dilə gətirib

 

“42 min azarkeşin dəstəyi ilə mərhələ adlamaq istəyirdik, alınmadı, çox üzgünük. Azarkeşlər də ən azından bizi qədər çalışdılar. Təəssüf ki, qalib gəlsək də, penaltilərdə uduzduq. Bu, futboldur, hər şey mümkündür. Futbolçularıma güvəndiyimi söyləmişdim. Sağ olsunlar, bütün güclərini ortaya qoydular. Başımız dik, alnımız açıqdı.

 

Həm klubumuzu, həm də ölkəmizi layiqli şəkildə təmsil etdik. Kiyev “Dinamo”su ilə matçda şərtlər tam fərqli idi. Bu oyunu çıxmaqla ölkəmizi yaxşı təmsil etdik. Adamın ürəyi istəyir ki, bəxtimiz gətirərdi və növbəti mərhələyə yüksələrdik. Artıq Super Liqa matçlarına köklənməliyik. Növbəti mövsüm bu azarkeşlərlə Çempionlar Liqasının qrupundan çıxmağa çalışacağıq”.
 
“Penaltini yerinə yetirəcək futbolçularım əvvəlcədən oyunu tərk etdilər, Oğuzxan və Kuarejma. Penaltilər üzərində çox məşq etmişdik, amma bu işə yaramadı. Oyunçularımı qınamaq istəmirəm. Çox əziyyət çəkdilər. Bu oyun artıq geridə qaldı”.

Tarix: 21 Aprel 13:48    Oxunub: 100    Müəllif: Sportinfo.az

Digər xəbərlər

Köşə yazarları

Xəbər xətti

29 Aprel 2017
28 Aprel 2017


















2013 - 2016 Sportinfo.az Sayt Mozilla Firefox, Opera və İnternet Explorer ilə də tam dəstəklənir. Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.