"Ramil Usubov yaxşı şərait yaratdı, mən də çempion oldum"

Portuqaliyanın paytaxtı Lissabonda kunqfu-sanda üzrə dünya çempionatı keçirilib. Sportinfo.az xəbər verir ki, yarışda Azərbaycanı +90 kq çəkidə təmsil edən "Dinamo” cəmiyyətinin üzvü Şəhriyar Hüseynzadə bütün rəqiblərinə qalib gələrək, dünya çempionu olub. Artıq vətənə dönən dünya çempionunun müsahibəsini təqdim edirik:

 

Şəhriyar ilk olaraq təbrik edirik. Yarış haqda məlumat verərdiniz...

- Təşəkkür edirəm. Yarışa tam hazır idim və bu yarışı çempion kimi başa vuracağıma inanırdım. Yarış həmişəki kimi ağır keçdi. Hər bir görüş digərindən ağır, çətin keçirdi. Lakin ən çətin görüşüm yarımfinalda, İspaniya təmsilçisinə qarşı oldu. İkinci raundun sonuna 12 saniyə qalmışdı. Uduzurdu. Məğlubiyyətlə barışa bilməyən idmançı, əsəblərini cilovlaya bilmədi. Ciddi mübahisə yarandı. Hətta baş məşqçisi tatamiyə çıxaraq mənim üzərimə şığıdı. Uduzmağı həzm edə bilmirdilər.Ancaq sonda qalib olduğum təsdiqləndi.Ancaq həmin idmançı heç mükafatçılar sırasına da düşmədi.

 

Final necə keçdi?

- Finalda livanlı idmançı ilə üzləşdim. Çox təcrübəli idmançı idi. Hər iki raundda tam üstünlüklə qalib gəldim. Şükür Allaha, Azərbaycana üzüağ qayıtdım. İtaliyada keçirilən yarışdan sonra bu layiqli və üz ağardan qələbə oldu

 

Yarışa necə hazırlaşmışdın?

- Yarışa gedən idmançı yalnız qələbə haqda düşündüyü kimi, mən də bu fikirlə getmişdim Dünya Çempionatına. Bu yarışlara birmənalı olaraq zəif idmançı olmadığı kimi, mən də zəif hazırlaşmamışdım. Sağ olsun, cənab nazirimiz Ramil Usubov mənə məşqlər üçün yaxşı şərait yaratmışdı. Onun göstərdiyi diqqətin, qayğının nəticəsidir. Şükür Allaha, qızıl medal qazandım.

 

Bu həm də Azərbaycan polisinin qələbəsidir,

 - Bəli, bu həm də Azərbaycan polisinə verilən diqqət və qayğının qələbəsidir. Ancaq finalda məğlub etdiyim livanlı idmançının polis olduğunu nəzərə alsaq, bu ikiqat sevinc deməkdir

 

İlk olaraq kim təbrik etdi sizi?

- Qələbədən sonra ailə üzvlərimlə danışdı. Atam mənimlə qürü duyduğunu deyərək, təbrik etdi. Bir övlad üçün bundan gözəl təbrik ola bilməz məncə.

 

Dünya çempionluğundan sonar hədəfin hansı tituldu və gələcək planların haqda nə deyə bilərsən?

 - Qarşıdan Avropa çempionatı gəlir. İki-üç gün dincəlib, yenidən məşqlərə başlayacağam. Bundan başqa da bir çox yarışlar olacaq. İnşallah, Azərbaycanın bayrağını həmişə yüksəkdə tutmaq və himnimizi səsləndirməyə davam etmək istəyirəm.

Tarix: 13 Aprel 09:12    Oxunub: 270    Müəllif: Sportinfo.az

Digər xəbərlər

Köşə yazarları

Xəbər xətti

24 Fevral 2018
23 Fevral 2018


















2013 - 2016 Sportinfo.az Sayt Mozilla Firefox, Opera və İnternet Explorer ilə də tam dəstəklənir. Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.