"Bütün “Qəbələ” camiəsinin ona böyük ümidləri var"

“Qəbələ”nin futbolçusu Asif Məmmədov komandanın hazırlıq prosesi və ilk yoxlama oyunu barədə fikirlərini açıqlayıb. 

 

Sportinfo.az xəbər verir ki, yarımmüdafiəçi klub saytına açıqlamasında Sloveniyadakı təlim-məşq toplanışının arxada qalan hissəsindən razılığını qeyd edib:

 

“Hazırlıq prosesi yaxşı keçir. Qəbələdə baş tutan ilk mərhələdə fiziki hazırlıq üzərində çalışmışdıq. Sloveniyada isə daha çox toplu məşqləri gerçəkləşdiririk.

 

Vaxt azlığı və heyətdəki dəyişiklikləri nəzərə alsaq, üzərimizdə çox işləməliyik. İlk yoxlama oyununda “Kukesi” ilə qarşılaşdıq. Düzdür, hər şey tam istədiyimiz kimi alınmadı.

 

Çünki biz daha yaxşı oynamalıyıq. Lakin Albaniya təmsilçisi ilə matç ilk görüşümüz olduğundan qarşılaşmanı müsbət dəyərləndirərdim”.

 

Məmmədov komandadakı baş məşqçi dəyişikliyi barədə fikirlərini də açıqlayıb. O bildirib ki, uzun müddət komandada çalışan Sənan Qurbanovun baş məşqçi kimi uğurlar qazanmasında bütün komanda pay sahibi olacaq:

 

“Qurbanovla neçə müddətdir birlikdə çalışırıq. Necə mütəxəssis olduğuna bələdik. Daim öz üzərində işləyir. Gənc olmasına baxmayaraq təcrübəli mütəxəssislərlə çalışmaqla böyük təcrübə qazanıb.

 

Bütün “Qəbələ” camiəsinin ona böyük ümidləri var. Biz futbolçular da uğur qazanmaqda ona yardım etməliyik. Nəticədə bu, komandanın uğuru olacaq”.

 

Yarımmüdafiəçi UEFA Avropa Liqasının püşkatmasını dəyərləndirib, “Qəbələ”nin I təsnifat mərhələsinin “Proqres”lə dueldəki şanslarından da danışıb:

 

“Əslində, mümkün 5 rəqib arasında ciddi fərq yox idi. Çünki Avropa Liqasında zəif rəqib olmur. Həm “Qəbələ”, həm də “Proqres” yay fasiləsindən sonra ilk rəsmi matçına çıxacaq.

 

Buna görə də rəqiblərin ikisinə də çətin olacaq. Hazırda şanslar 50-nin 50-yədir. Lakin bizim Avropa təcrübəmiz daha çoxdu. Çalışacağıq ki, Lüksemburq təmsilçisini mübarizədən kənarlaşdıraq”. 

Tarix: 25 İyun 00:30    Oxunub: 576    Müəllif: Sportinfo.az

Digər xəbərlər

Köşə yazarları

Xəbər xətti

22 İyul 2018
21 İyul 2018


















2013 - 2016 Sportinfo.az Sayt Mozilla Firefox, Opera və İnternet Explorer ilə də tam dəstəklənir. Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.