Azərbaycan millisinin sabiq baş məşqçilərinin DÇ-2018 favoritləri

Azərbaycan millisinin sabiq baş məşqçiləri – almaniyalı Berti Foqts və xorvatiyalı Robert Prosineçki 2018-ci il dünya çempionatındakı favoritlərini açıqlayıblar.

 

Sportinfo.az xəbər verir ki, B.Foqts “RP Online”də mundialla bağlı yazısında favorit qismində 4 ölkənin adını çəkib.

 

72 yaşlı mütəxəssis həmyerlilərini xüsusilə fərqəndirib:  “Braziliya, Fransa, Argentina və biz – favoritlərik. Belçika millisini də bu sıraya qoyurlar. Lakin onlar böyük turnirlərdə zəif çıxış edirlər.

 

Fərdi şəkildə böyük oyunçuların olması işə yaramır. Bu, bizim üstünlüyümüzdür – Almaniya millisi hər zaman turnirlərdə komanda şəklində çıxış edir və böyüyür. Bunu təkrarlaya bilsək, titulu qorumaq üçün işə yarıyacaq”.

 

R.Prosineçki də klix.ba saytına açıqlamasında 4 favortinin olduğunu qeyd edib: “Dünya çempionu 3-4 komandadan biri olacaq.

 

Əsas favorit Braziliyadır. Almanlar hər zaman bu siyahıdadırlar. Onların ardınca fransızlar və ispanlar gəlir. Çoxları Argentinanı da favorit sayır, amma mən belə düşünmürəm”.

 

49 yaşlı mütəxəssis Xorvatiya millisin şanslarına da toxunub. O, deyib ki, yığmanın heyətində dünyanın ən yaxşı klublarında çıxış edən futbolçular var:

 

“Onlar artıq püxtələşiblər. Düşünürəm ki, qrupdan çıxacağıq. Əgər Xorvatiya qrupda 1-ci yeri tutsa, uzağa gedə bilər”.

 

Berti Foqts 2008 - 2014-cü illərdə Azərbaycan yığmasına rəhbərlik edib. O, 1996-cı ildə Almaniyanın baş məşqçisi kimi Avropa çempionu olub.

 

Robert Prosineçki isə 2014 – 2017-ci illərdə millinin baş məşqçisi vəzifəsində çalışıb. O, dünya çempionatları tarixində iki fərqli yığmanın – Yuqoslaviya və Xorvatiyanın heyətində qol vuran yeganə futbolçudur.

Tarix: 14 İyun 17:12    Oxunub: 218    Müəllif: Sportinfo.az

Digər xəbərlər

Köşə yazarları

Xəbər xətti

25 İyun 2018
24 İyun 2018


















2013 - 2016 Sportinfo.az Sayt Mozilla Firefox, Opera və İnternet Explorer ilə də tam dəstəklənir. Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.