Döyülən futbolçular kubokun finalına çıxmaq istəmirlər

“Sportinq”in bir qrup azarkeşinin komandanın məşqi zamanı bazaya gələrək, futbolçulara hücum etməsi, onlara xəsarət yetirməsi barədə məlumat vermişdik.

 

Sportinfo.az xəbər verir ki, fanatlar komandanın Çempionlar Liqasından kənarda qalmasına görə futbolçuları “özünəməxsus” şəkildə cəzalandırmaq fikrinə gəliblər.

 

Artıq bu hücumun fəsadları özünü göstərməkdədi. Portuqaliya mətbuatında yer alan məlumata görə, hadisədən dərhal sonra bir neçə futbolçu menecerləri ilə əlaqə saxlayaraq, klubla müqaviləyə təktərəfli qaydada xitam verilməsinin mümkün olub-olmaması ilə maraqlanıb.

 

Xəbərdə həmçinin, klubun futbolçuların təhlükəsizliyinə cavabdeh olduğu, bunun öhdəsindən gələ bilmədikdə isə oyunçuların təktərəfli qaydada müqaviləni ləğv etmək hüququnun olduğu qeyd edilib.

 

“Sportinq”in əsas üzvlərindən Bruno Fernandes hadisədən dərhal sonra komanda yoldaşlarına “artıq bitdi, hamıya əlvida” deyərək, sağollaşıb.

 

Komanda daxilində ab-hava çox pisdi. Belə ki, futbolçuların “Aveş”lə ölkə kubokunun finalına çıxmaq istəmədikləri deyilir.

Tarix: 16 May 16:12    Oxunub: 235    Müəllif: Sportinfo.az

Digər xəbərlər

Köşə yazarları

Xəbər xətti

28 May 2018
27 May 2018


















2013 - 2016 Sportinfo.az Sayt Mozilla Firefox, Opera və İnternet Explorer ilə də tam dəstəklənir. Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.