"I Diviziondakı klublardan bəziləri düzgün yolda deyil"

"I Diviziondakı klublardan bəziləri düzgün yolda deyil". 

 

Sportinfo.az xəbər verir ki, bunu AFFA-nın baş katibi Elxan Məmmədov deyib. 

 

O bildirib ki, I Divizionda şübhəli oyunlar mövcuddur. E.Məmmədov bununla bağlı yeni konsepsiyanın hazırlanacağını diqqətə çatdırıb:

 

"Bunu artıq 2 ildir AFFA-nın Konfransında qeyd edirik. Bu məsələ ilə bağlı ötən il bir neçə klub və futbolçu cəzalandırıldı, futboldan kənarlaşdırıldı.

 

I Divizonda bəzi klublar AFFA tərəfindən maliyyələşdirilir, buna baxmayaraq, o komanda şübhəli oyunlarda varsa, o da kənarlaşdırılacaq. Bunu sizə əminliklə deyə bilərəm". 

 

Baş katib Premyer Liqaya yüksələ bilmədikləri halda I Divizionda klub saxlamalarının səbəbini isə belə izah edib:

 

"Biz bölgələrdə futbola dəstək olmaq, komandaların qayğısına qalmaq, təkan olmaq istəyirik. Bunu o niyyətlə edirik ki, birinci addımı ataq, sonra iş adamları, dövlət strukturları bu işə qoşulsunlar.

 

Təəssüf ki, iş adamları bu addımımıza qoşulmadılar. Bu işi də yarımçıq buraxmaq istəmədik. Fikirləşdik ki, 3-4 il davam edək görək nə baş verir. Baxaq görək, neçə futbolçu gəlib. Peşkəkar Futbol Liqasının analizini götürdük, təhlilini apardıq.

 

Neçə futbolçu I Diviziondan Premyer Liqaya gəlib, bunu bilmək istədik. Bunun təhlili aparılır. Mütəmadi olaraq PFL-lə, Məşqçilər Komitəsi ilə baxırıq ki, futbolçular yetişirmi, yetişmirmi? Əlavə olaraq, həmin klublarda uşaq futbolunu tətbiq etdik. Açıq danışacağam: Məcburi tətbiq etdik. Dedik ki, mütləq olmalıdır". 

Tarix: 11 May 16:36    Oxunub: 616    Müəllif: Sportinfo.az

Digər xəbərlər

Köşə yazarları

Xəbər xətti

22 İyun 2018
21 İyun 2018


















2013 - 2016 Sportinfo.az Sayt Mozilla Firefox, Opera və İnternet Explorer ilə də tam dəstəklənir. Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.