İtkin düşən alpinistlərlə bağlı İLGİNC İDDİA: "Sağdrlar"

Məlum olduğu kimi, ötən ilin dekabr ayında “Giləvar» hava-ekstrim idman klubunun 3 üzvü itgin düşüb.

 

Sportinfo.az xəbər verir ki, dekabrın 23-də Tufandağa yürüşə çıxan alpinistlər Babur Hüseynov, Namin Bünyatov və Fəridə Cəbrayılzadə ilə əlaqə dekabrın 24-də itib. 

 

Dövlət orqanlarının iştirakı ilə onların axtarışına müvafiq qüvvələr cəlb olunsa da, alpinistlər tapılmayıb. Eləcə də həmin ərazilərdə aparılan axtarışlar zamanı hər hansı cəsəd də üzə çıxmayıb.

 

İndi isə alpinistlərin sağ olması iddiası gündəmə gəlib. Belə ki, onlardan biri Babur Hüseynovun qohumu “Asan Radio”nun redaktoru Cəlalə Nəzəroğlu həmin hadisələr zamanı fasebook səhifəsində qohumunun şəklini paylaşıb.

 

Həmin şəklin altından rəylər yazılıb. Hər kəs Cəlaləyə səbr və qohumunun tezliklə tapılmasını arzulasa da, “Smert ili Jizn” profilindən əminliklə Baburun sağ olduğu bildirilir: “Cəlalə Nəzəroğlu, qardaşın da və yoldaşları da sağdır!!! Mayın sonu ya da iyunun əvvəli qovuşacaqsız...əmin olun!!!” 

 

Bu sözlərdən sonra onun niyə bunu yazması ilə bağlı suallar səslənir. Həmin profildən isə yeni bir əminliklə -

 

“Mən dağlarda çox olan adamam və qar uçurumuna düşən olsa belə, sürüşmə zonası açıq aşkar bilinir. Mən əminəm ki, onlar yolu azıblar. Birazdan qar-zad qalmayacaq və inşallah heç bir cəsəd tapılmayanda mənim sözümün təsdiqini tapacaqsız.

 

Sadəcə operativ axtarış getməyib. Mən Şəkidə illərlə Böyük Qafqaz silsilə dağ uçurumlarından Rusiya ərazisinə keçən peşəkar adamlarla ünsiyyətdəyəm. Onların da fikrincə, onlar çox güman azıb sərhəddə olublar...amma o zonada qar uçqunu müşahidə edilməyib”.

 

Alpinistlərin cəsədləri tapılmadığına görə hər hansı bir iddiaların səslənməsini realdır. Amma naməlum profilin sözlərindəki bu qədər əminliyin hardan qaynaqlanması maraq doğurur.

 

Digər tərəfdən burada konkret vaxtın göstərilməsi də maraqlıdır. Məsələyə başqa yöndən yanaşsaq, mövcud kommunikasiya əsrində alpinistlər sağdırsa, niyə ailələrinə hansısa məlumat vermirlər?.

 

Güman edirik ki, yaxın zamanlarda suallara aydınlıq gələr və yaxınların gözləri yoldan çəkilər.

 

Tarix: 11 May 08:36    Oxunub: 839    Müəllif: Sportinfo.az

Digər xəbərlər

Köşə yazarları

Xəbər xətti

23 May 2018
22 May 2018


















2013 - 2016 Sportinfo.az Sayt Mozilla Firefox, Opera və İnternet Explorer ilə də tam dəstəklənir. Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.