"Superkubok oyunu üçün klublara müraciət etməyəcəyik"

Azərbaycan Super Kuboku uğrunda görüş bu il də keçirilməyə bilər. 

 

Sportinfo.az xəbər verir ki, bu barədə "report"a Peşəkar Futbol Liqasının (PFL) prezidenti Ramin Musayev məlumat verib. 

 

R.Musayev bunu çempionata qədər komandaların avrokuboklara hazırlaşmaları ilə əlaqələndirib:

 

"Superkubok oyununun çempionat ərəfəsində təşkili daha maraqlı olardı. Amma həmin vaxt klublarımızda problem yaranır. Çempion komanda Çempionlar Liqasına hazırlaşır, Azərbaycan Kubokunun qalibi isə Avropa Liqası haqqında düşünür.

 

Klublar mətbuata və bizə fərqli açıqlama verirlər. Mətbuta açıqlamalarında oynamağa hazır olduqlarını iddia edirlər. Bizə isə deyirlər ki, avrokubok oyunlarımız var, rəhbərlik önündə cavab verməliyik. Ona görə də ötən mövsüm Superkubokla bağlı qərar vermədik".

 

PFL prezidenti bu mövsümün titul sahiblərinə Superkubok matçında üz-üzə gəlmələri üçün müraciət etməyəcəklərini də açıqlayıb: "Bu il Superkubokla bağlı danışıqlar olmayıb. Kubokun sahibi hələ bəlli deyil.

 

Hazırda finalçı "Qəbələ" və "Keşlə" komandalarına Superkubokla bağlı heç nə deyə bilmərik. Finaldan sonra da müraciət etməyi düşünmürəm". 

Tarix: 25 Aprel 08:24    Oxunub: 453    Müəllif: Sportinfo.az

Digər xəbərlər

Köşə yazarları

Xəbər xətti

25 May 2018
24 May 2018


















2013 - 2016 Sportinfo.az Sayt Mozilla Firefox, Opera və İnternet Explorer ilə də tam dəstəklənir. Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.