"Azərbaycanda pis - yaxşı nə varsa, “Qarabağ”la qazanmaq istəyirəm"

Sportinfo.az xəbər verir ki, “Qarabağ”ın yarımmüdafiəçisi Qara Qarayev səfərdə “Sumqayıt”a 1:0 hesabı ilə qalib gəldikləri Premyer Liqanın XXIV tur matçından sonra brifinq keçirib. 

 

Oyun haqqında nə düşünürsən?

- Bu komanda yığılanda, ilk dəfə Avroliqaya düşəndə atam demişdi ki, sizi 5 il ardıcıl çempion görürəm. Dediyi kimi də oldu. Ciddi məsuliyyətdi bizim üçün. Hər il ölkə futbolunun ən yaxşıları biz oluruq. İlk illərdəki kimi olmasa da, yenə sevincliyik.

 

Sanki çempionluq adiləşib...

- Məncə, bu adiləşmək deyil, daha çox yaşla bağlıdır. İlk dəfə 5 il bundan qabaq çempion olmuşuq. Onda cavan idim, amma illər keçdikcə titullardan daha çox oyuna fokuslanmaq istəyirik. Nəticə qazansaq, qalan hamısı düzələcək. Amma adi bir şey deyil, bu medal üçün ilboyu əziyyət çəkirəm.

 

Bu çempionluğun əvvəlkindən fərqi nədir?

- Düşünürəm ki, açıq danışmaq lazımdır. Bizə qarşı bütün rəqiblərin oyun üslubu fərqli olub. Həmişə vuruşublar, amma ümumi baxanda çempionatda eniş var. 8 komanda olan yerdə inkişaf edirik desək, bir-birimizi aldadarıq.

 

Xal fərqi də çoxdu...

- Xal fərqi bir yana, oyunlar göz qabağındadır. Ümid edirəm ki, bundan sonra daha yaxşı, güclü bir yarış təşkil olunar. Bu da Azərbaycan futboluna xeyir olar.

 

Bundan sonrakı hədəf nədi?

- Uğurlarımızı təkrarlamaq və yeniləmək istəyirik. Ötən il, əsasən də klub futbolunda yaxşı uğurlarımız oldu. Milli ilə oyunlara hazırlaşacağıq.

 

Özünü harda görürsən? “Qarabağ”da qalmaq istəyirsən, yoxsa təklif gəlsə, düşünərsən?

- Azərbaycan daxilində nə varsa, pis – yaxşı “Qarabağ”la qazanmaq istəyirəm. Amma xaricdən təklif gəlsə, ilk öncə klubumun mənfəətini düşünəcəyəm. Baş məşqçi ilə məsləhətləşəcəyəm.

 

Çempionluq yolundakı rəqabətsizlik sizin komandaya təsir etmir ki?

- Düşünmürəm ki, bizə hər şey asan oldu. Bütün rəqiblər xüsusi motivasiya ilə çıxırdılar.

 

Heç düşündünüzmü ki, birdən çempion ola bilmərik?

- Biz başlayan gündən inanırıq ki, çempion olacağıq. Onsuz mümkün deyil. Hər şəraitdə bu inamı qoruyub saxlayırıq.

Tarix: 23 Aprel 14:48    Oxunub: 292    Müəllif: Sportinfo.az

Digər xəbərlər

Köşə yazarları

Xəbər xətti

24 May 2018
23 May 2018


















2013 - 2016 Sportinfo.az Sayt Mozilla Firefox, Opera və İnternet Explorer ilə də tam dəstəklənir. Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.