U-16 millimiz: 1 gündə 2 yoxlama oyunu

Hazırda təlim-məşq toplanışında olan U-16 millimiz «Dağla Arena»nın ehtiyat meydanında «Qarabağ»ın U-17 komandası ilə yoxlama oyunu keçirib.

 

Oyun «Qarabağ»ın 2:1 hesablı qələbəsi ilə başa çatıb. Millimizdən yeganə qolu Nihat Cəfərov vurub.

 

Bu, millimizin bu gün keçirdiyi sayca 2-ci yoxlama oyunu idi. Saat 11-də Bakı Olimpiya Stadionunun ehtiyat meydanında «Keşlə»nin U-17 komandası ilə qarşılaşan Azər Məmmədovun komandası 2 top fərqilə geridə olmasına baxmayaraq, əsasən 2002 və 2003-cü il təvəllüdlü futbolçulardan təşkil olunmuş rəqib komandanı 5:2 hesabı ilə məğlub etmişdi.

 

Millimizdən Həsən Seyfullayev (2 qol), Bəhruz Tanrıverdiyev, Nurəli Nurəliyev və Vaqif Həsənov fərqlənmişdilər.

 

U-16 millimizin Bakıdakı toplanışı aprelin 21-ə kimi davam edəcək. Həmin gün axşam saatlarında komandamız Türkiyədə keçiriləcək turnirdə iştirak etmək üçün qonşu ölkəyə yola düşəcək.

 

"Het-trik news" qəzetinin və Sportinfo.az saytının birgə layihəsi

Tarix: 19 Aprel 08:24    Oxunub: 487    Müəllif: Sportinfo.az

Digər xəbərlər

Köşə yazarları

Xəbər xətti

25 May 2018
24 May 2018


















2013 - 2016 Sportinfo.az Sayt Mozilla Firefox, Opera və İnternet Explorer ilə də tam dəstəklənir. Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.