"Həvəsdən düşmə, olan şeydi"

"Bu görüş Azərbaycan Kubokunun yarımfinal mərhələsinin cavab görüşünə hazırlıq xarakteri daşıyırdı.

 

Bir çox futbolçumuz çıxış etmirdi. Buna baxmayaraq, deyərdim ki, pis çıxış etmədik, yaxşı oynadıq.

 

Çalışacağıq ki, aprelin 18-də keçirəcəyimiz qarşılaşmada da belə oynayaraq, mərhələni keçək". 
 
Sportinfo.az xəbər verir ki, bunu "Keşlə"nin futbolçusu Məqsəd İsayev səfərdə "Sumqayıt"a 1:2 hesabı ilə uduzduqları Premyer Liqanın XXIII tur matçından sonra jurnalistlərə açıqlamasında deyib.

 

24 yaşlı müdafiəçi bildirib ki, yenilmələrinə baxmayaraq, pis çıxış etməyiblər: "Bu görüş "Sumqayıt"a da çox vacib idi. Düşünürəm ki, pis oynamadıq. Məğlub olsaq da, həvəsdən düşmürük. Bu, bizə bir dərs oldu. Cavab görüşündə də qalib gələrək, finala yüksələrik". 
 
İsayev oyundan sonra baş məşqçi Yuri Maksimovun onlara irad tutmadığını da vurğulayıb: "Paltardəyişmə otağında baş məşqçimiz Yuri Maksimov dedi ki, ciddi bir şey baş verməyib, olan şeydir. Əsas məsələ kubokdur. Cavab görüşünə hazırlaşaraq mərhələni keçən biz olarıq. Həvəsdən düşməyin, olan şeydir". 
 
Sonda cinah oyunçusu 81-ci dəqiqədə ikinci sarı vərəqəni alaraq, meydandan qovulmasına münasibət bildirib: "Oyunboyu iki dəfə qaydanı pozdum. Hər ikisində baş hakim mənə sarı vərəqə göstərdi. Çox məyus oldum". 

Tarix: 17 Aprel 10:12    Oxunub: 355    Müəllif: Sportinfo.az

Digər xəbərlər

Köşə yazarları

Xəbər xətti

19 İyul 2018
18 İyul 2018


















2013 - 2016 Sportinfo.az Sayt Mozilla Firefox, Opera və İnternet Explorer ilə də tam dəstəklənir. Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.