Portuqaliya klubunun məşqçisi qızının arxasınca Bakıya gəldi - FOTOLAR

Milli Gimnastika Arenasında keçirilən batut gimnastikası, ikili mini-batut və tamblinq üzrə 26-cı Avropa çempionatında komanda yarışlarının qalibləri müəyyənləşib.


Həm gənclər, həm də böyüklər arasında bütün növlər üzrə təsnifat mərhələləri və komanda hesabında final yarışları keçirilib.


İkili mini-batut üzrə yeniyetmə oğlanlardan ibarət komanda yarışında Rusiya millisi qızıl medal qazanıb. İspaniya yığması gümüş, Portuqaliya komandası isə bürünc medallara layiq görülüblər.


Qızların mübarizəsində də birinci yerə Rusiya komandası layiq görülüb. İkinci yerdə Portuqaliya yığması, üçüncü pillədə isə İspaniya komandası qərarlaşıblar.


Böyüklər arasında batut yarışında Belarusdan olan kişi gimnastlar çempion adını qazanıblar. Rusiya təmsilçiləri ikinci, Ukrayna gimnastları isə üçüncü yeri tutublar.


Qadınların yarışında da Belarus millisi qızıl medala sahib olub. Fransa yığması gümüş, Portuqaliya seçməsi bürünc medalları aktivlərinə yazdırıblar.


Yeniyetmələr arasında tamblinq üzrə oğlanların yarışında qızıl medallara Böyük Britaniya millisi sahib olub. Fəxri kürsünün ikinci pilləsində Rusiya, üçüncü yerdə isə Portuqaliya milliləri qərarlaşıblar.

 

Qızların mübarizəsində də Böyük Britaniya millisi çempion adını qazanıb. Rusiya yığması gümüş, Fransa millisi isə bürünc medallara layiq görülüblər.

 

26-cı Avropa çempionatında yeniyetmə gimnastlar 2018-ci ildə keçiriləcək Yeniyetmələrin III Yay Olimpiya Oyunlarına, böyük gimnastlar isə 2019-cu ildə təşkil olunacaq II Avropa Oyunlarına lisenziya əldə edə biləcəklər.

 

Sporinfo.az-ın məlumatına görə, Valeh Seyidovun formasını geyindiyi «Louletano»nun məşqçisi Pedro Bras Bakıya bu məqsədlə gəlib.

 

Portuqaliyanın II liqa klubunda çalışan mütəxəssisin qızı Mafalda Bras ölkəsinin yığmasının heyətində çıxış edir. Bürünc medal qazanan Mafalda bununla atasını sevindirib.

 

Tarix: 15 Aprel 12:15    Oxunub: 696    Müəllif: Sportinfo.az

Digər xəbərlər

Köşə yazarları

Xəbər xətti

26 Aprel 2018
25 Aprel 2018


















2013 - 2016 Sportinfo.az Sayt Mozilla Firefox, Opera və İnternet Explorer ilə də tam dəstəklənir. Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.