Azərbaycandan İstanbula getdi, "Beşiktaş"ı izləməkdən boyun qaçırdı

Türkiyənin tanınmış futbol yazarı Erman Toroğlu "Beşiktaş"ın baş məşqçisi Şenol Günəşi "Başakşehir"lə Superliqanın XXVI tur matçında meydana buraxdığı heyətə görə tənqid edib.

 

Sportinfo.az xəbər verir ki, "A Spor"un canlı efirində fikirlərini bölüşən keçmiş futbolçu və hakim Ş.Günəşin "11-liy"inin bir işə yaramadığını bildirib.

 

O, 66 yaşlı mütəxəssisin Almaniya "Bavariya"sı ilə Çempionlar Liqasının 1/8 final mərhələsinin cavab oyununda meydana çıxmış futbolçulara istirahət verməsinə etiraz edib:

 

"8 futbolçunu oynatmadın. Halbuki "Bavariya" İstanbula ilk oyundakı əsas heyət üzvlərindən 8-ni gətirib oynatdı. Rəqibə, öz futbolçuna hörmətlə yanaşmaq lazımdır. "Beşiktaş" - "Bavariya" matçını dünya izləyir. O futbolçular da belə oyunlar üçün hazırlanır".

 

E.Toroğlu daha sonra bir əhvalat nəql edib: "Keçən dəfə biri ilə danışırdım. Azərbaycandan dostu gəlib. "Beşiktaş"ın start heyətini gördükdə, "Mustafa Pektemekimi izləyəcəyəm?" deyərək, oyuna getməkdən imtina edib.

 

Baxın, sizə misal çəkdim. Dostlar, bir az sayqı göstərin. Bu komandanı bu futbolçular gətirib "Bavariya"ya rəqib etdilər. O zaman onları oynatın, istirahət verməyin. "Beşiktaş" azarkeşi bundan qəzəblənib. "Başakşehir" azlıqda oynasa da, "Beşiktaş" yenə məğlubiyyətdən qurtula bilmədi.

 

Bunları tamaşaçı görür. Komandada nə nizam-intizam var, nə başı bilinir, nə də arxası. "Beşiktaş"lı futbolçular "Bavariya" ilə oyunu gözləyirdilər. Onları motivasiya edən bu idi. 8 nəfər oynamayınca xəstəlik tapıblar. Mən də olsaydım, xəstəliyə düşərdim".

Tarix: 19 Mart 11:00    Oxunub: 372    Müəllif: Sportinfo.az

Digər xəbərlər

Köşə yazarları

Xəbər xətti

20 İyul 2018


















2013 - 2016 Sportinfo.az Sayt Mozilla Firefox, Opera və İnternet Explorer ilə də tam dəstəklənir. Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.