Kamal Quliyev "Qaradağ"da?

Bu gün I Divizionda 18-ci turun oyunları keçirilib.

 

Sportinfo.az xəbər verir ki, hesabat turunun bütün görüşləri eyni gündə, eyni saatda baş tutub.


Qış fasiləsindən sonrakı oyunlarında ardıcıl məğlubiyyətlərlə üzləşən lider “Qaradağ Lökbatan” bu dəfə səfərdə “Ağsu”ya uduzub. Ramil Əliyevin 89-cu dəqiqədə vurduğu yeganə qol aranlılara uzun fasilədən sonra ilk qələbəni qazandırıbsa, qonaqlar ardıcıl 4-cü dəfə meydanı məğlub tərk edib. 


Yəqin ki, bundan sonra Həbib Ağayev yaxalığını yuxarı qaldırmaqdan və özündənrazı yerişindən imtina edəcək. Yerini Kamal Quliyevdən ötrü boşaltsın. Hazırda «Neftçi»nin akademiyasında sıradan bir vəzifə daşıyan Quliyevi son vaxtlar «Qaradağ»ın oyunlarında tez-tez görmək olar. Bir təsadüfmü? 


Son çempion “Turan Tovuz” doğma meydanda autsayder “Zaqatala”ya məğlub olub. Yaxınlarda həbsdən buraxılan Nicat Muxtarovun vurduğu erkən qolla. Maraqlıdı ki, şimal təmsilçisi ilk dövrədəki matçda da rəqibini məğlubiyyətə uğratmağı bacarmışdı.


“Mil-Muğan” – “Sabah”, MOİK – “Binə” və “Xəzər” - “Şüvəlan” görüşlərində heç-heçə qeydə alınıb. İlk iki cütdə qonaqları qələbədən bir neçə dəqiqə ayırıbsa, Premyer Liqaya iddialı “Xəzər”in öz meydanında “Şüvəlan”ı yepnə bilməməsi bir qədər gözlənilməz oldu. Turnir cədvəli baxımından böyük maraq kəsb edən qarşılaşmanın qolsuz başa çatması ən çox qonaqların işinə yaradı.

 

“Mil-Muğan” – “Sabah” 1:1
Qol: Elxan Məmmədov, 58 – Raul Yaqubzadə, 6.
Hakimlər: Vüqar Həsənli, Yaşar Abbasov, Cəmil Quliyev, Nicat İsmayıllı.
Heydər Əliyev adına İmişli şəhər stadionu.

 

MOİK – “Binə” 1:1
Qol: Bahadur Həziyev, 88 – Renat Aşurov, 76.
Hakimlər: Rəşad Əhmədov, İsgəndər Əliyev, Vüsal Qənbərov, Anar Göyçayski.
“Bakı” FK-nın təlim-məşq bazasının stadionu.

 

“Ağsu” – “Qaradağ Lökbatan” 1:0
Qol: Ramil Əliyev, 89.
Hakimlər: Ziya Nəsirov, Murad Kərimov, Azər Əsgərov, Emin Nağıbəyov.
Ağsu şəhər stadionu.

 

“Turan Tovuz” – “Zaqatala” 0:1
Qol: Nicat Muxtarov, 6.
Hakimlər: Nail Nağıyev, Habil Əliyev, Elşad Abdullayev, Samir Hüseynov.
Tovuz şəhər stadionu.

 

“Xəzər” - “Şüvəlan” 0:0
Hakimlər: Rəvan Həmzəzadə, Elman Musayev, Cavanşir Yusifov, Rövşən Rəcəbov.
Bakı. “İnter Arena”.

1 Qaradağ Lökbatan 18 12 2 4 33-17 38
2 Şüvəlan 18 9 3 6 20-15 30
3 MOİK 18 9 3 6 26-19 30
4 Binə 18 8 4 6 24-17 28
5 Xəzər 18 7 5 6 17-11 26
6 Turan Tovuz 18 7 4 7 26-24 25
7 Sabah 18 6 5 7 20-27 23
8 Mil-Muğan 18 6 3 9 27-35 21
9 Ağsu 18 6 3 9 18-30 21
10 Zaqatala 18 3 2 13 15-31 11

Sabir Allahquliyev ("Qaradağ Lökbatan") - 9 qol
Elnur Səmədov ("Turan Tovuz") - 8 qol

Samir Babayev ("Mil-Muğan") - 8 qol
Bəhruz Teymurov (MOİK) - 8 qol

 
Tarix: 14 Mart 17:12    Oxunub: 696    Müəllif: Sportinfo.az

Digər xəbərlər

Köşə yazarları

Xəbər xətti

18 İyun 2018
17 İyun 2018


















2013 - 2016 Sportinfo.az Sayt Mozilla Firefox, Opera və İnternet Explorer ilə də tam dəstəklənir. Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.