"Heç kim arxayınlaşmamalıdı ki, əsas heyətdə yeri təmin olunub"

“Plan üzrə hazırlaşırıq, hər şey qaydasında gedir. Gündə iki dəfə ciddi şəkildə məşq edirik”.

 

Sportinfo.az xəbər verir ki, bu sözləri “Kəpəz”in əsas komandasının üzvü Ceyhun Cavadov klubun saytına açıqlamasında deyib. Yarımmüdafiəçi təlim-məşq toplanışını dəyərləndirib:

 

“Məşqlər ağırdı, çünki fiziki yöndə hazırlıq keçirik. Əslində başa düşüləndi. Belə hazırlaşmalıyıq ki, çempionatda bəhrəsini görək.

 

Məşqçilər tərəfindən verilən tapşırıqların hamısını yerinə yetirməyə çalışırıq. Çox işləməliyik, bunu yaxşı başa düşürük. Məqsədimiz çempionata 100 faiz hazır olmaqdı”.

 

Topaz Premyer Liqasında mövsümün ikinci hissəsinə hazırlığı Bakıda keçirən “Kəpəz”in heyətində xeyli dəyişikliklər var. 8 oyunçu ilə yolları ayıran “sarı-göylər” yeni futbolçularla güclənib.

 

Transferlər hələ də davam edir. Bu məqama diqqət çəkən Ceyhun Cavadov komandaya yeni gələn oyunçuların daxili rəqabəti artıracağını düşünür:

 

“Heyətin güclənməsi istiqamətində işlər görülür, kollektivə yeni futbolçular qoşulur. Böyük rəqabət artıq hiss olunmaqdadı. Hər mövqeyə 2-3 oyunçu var.

 

Heç kim arxayınlaşmamalıdı ki, əsas heyətdə yeri təmin olunub. Əksinə, tam ciddi formada məşq etmək lazımdı. Bu gedişlə çempionata tam hazır olacağıq və azarkeşlər fərqli “Kəpəz” görəcəklər”.  

Tarix: 13 Yanvar 09:24    Oxunub: 138    Müəllif: Sportinfo.az

Digər xəbərlər

Köşə yazarları

Xəbər xətti

21 İyun 2018
20 İyun 2018


















2013 - 2016 Sportinfo.az Sayt Mozilla Firefox, Opera və İnternet Explorer ilə də tam dəstəklənir. Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.