Rəqibinin içkisinə istifadəsi qadağan olunmuş maddə tökən "mərdiməzar"!

Yaponiyalı kanoeçi Yasuxiro Sudzuki yığmaya düşmək uğrunda mübarizə apardığı rəqibinin içkisinə istifadəsi qadağan olunmuş maddə tökdüyü üçün 8 il müddətinə yarışlardan kənarlaşdırılıb.

 

Sportinfo.az xəbər verir ki, bununla bağlı qərarı Yaponiya Anti-Dopinq Agentliyi qəbul edib.

 

Yaponiya Kanoe Federasiyasının məlumatına görə, İsikava şəhərində keçirilmiş ölkə çempionatında 32 yaşlı Sudzuki özündən 7 yaş kiçik rəqibi Seydzi Komatsunun içkisinə qadağan olunmuş maddələr siyahısına daxil olan anabolik steroid - metandienon səpib.

 

Bundan sonra Komatsu çempionatdan kənarlaşdırılsa da, qərara etiraz edib. Bu səbəbdən, Yaponiya Anti-Dopinq Agentliyi təhqiqat aparıb və onun günahsız olduğu üzə çıxıb.

 

Hər iki idmançı 2020-ci il Tokio Yay Olimpiya Oyunlarında iştirak etmək üçün yığmaya namizəddirlər. Qeyd olunur ki, Yasuxiro Sudzuki daha öncə də qeyri-idman davranışı ilə fərqlənib. O, yarış və məşqlər zamanı rəqiblərinin inventarlarını oğurlayıb.

Tarix: 10 Yanvar 00:40    Oxunub: 164    Müəllif: Sportinfo.az

Digər xəbərlər

Köşə yazarları

Xəbər xətti

20 İyun 2018
19 İyun 2018


















2013 - 2016 Sportinfo.az Sayt Mozilla Firefox, Opera və İnternet Explorer ilə də tam dəstəklənir. Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.