İsrail xahiş etdi, Bakıdakı dünya çempionatının vaxtı dəyişdirildi

Bakıda 2018-ci ildə keçiriləcək cüdo üzrə fərdi və komandalararası dünya çempionatının vaxtı dəyişdirilib. 

 

Sportinfo.az xəbər verir ki,  mundial İsrail Cüdo Assosiasiyasının Beynəlxalq Cüdo Federasiyasından (İJF) etdiyi xahiş əsasında gələn il sentytabrın 20-də start götürəcək.

 

İsrail tərəfi Yəhudi təqvimi ilə sentyabrın 19-dək Yom Kippur bayramının qeyd olunacağını əsas gətirib. Xahişi nəzərə alan İJF tədbirin həmin həftə ərzində keçirilməməsinə qərar verib. Nəticədə İsrail nümayəndə heyəti Bakıdakı dünya çempionatında tam tərkibdə iştirak edə biləcək.

 

Bundan başqa, Azərbaycanın təşkilati baxımdan mundiala daha yaxşı hazırlaşmasından ötrü "Böyük Dəbilqə" turnirinin gələn il Bakıda keçirilməməsi qərara alınıb. Əvəzində bu yarış Almaniyanın Düsseldorf şəhərində təşkil olunacaq.

 

Digər "Böyük Dəbilqə" yarışları Paris (Fransa), Yekaterinburq (Rusiya) və Tokio (Yaponiya) şəhərlərində keçiriləcək. Dünya çempionatı avqustun 27-dək davam edəcək. 

Tarix: 12 Dekabr 11:36    Oxunub: 278    Müəllif: Sportinfo.az

Digər xəbərlər

Köşə yazarları

Xəbər xətti

20 İyun 2018
19 İyun 2018


















2013 - 2016 Sportinfo.az Sayt Mozilla Firefox, Opera və İnternet Explorer ilə də tam dəstəklənir. Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.