LAYİHƏ: U-15 Liqası: "Zirə" haqq etdiyinə qovuşdu

Nəhayət, bir neçə turdur ki, qələbə üzünə həsrət qalan «Zirə» istəyinə çatdı. 3 oyun idi ki, meydanı 3 xal qazanmadan tərk edən Bakı təmsilçisi ötən bazar səfərdə autsayder «Zaqatala»nın qonağı olmuş və gözlənilmədən 0:1 hesabı ilə məğlubiyyətə uğramışdı.

 

Buna baxmayaraq, 3 xal «Zirə»yə verildi. Belə ki… Çərşənbə günü AFFA-nın İntizam Komitəsinin iclası keçirildi. İclasda liqalarla bağlı bir neçə qərar qəbul olunub.

 

Onlardan diqqəti ən çox cəlb edəni məhz «Zaqatala» - «Zirə» oyunu ilə bağlı olub. Meydan sahibləri Tofiq Vahabovun adı ilə oyuna başqa futbolçu buraxıblar.

 

«Zirə»nin məşqçi heyəti və hakimlər briqadası bu saxtakarlığı oyun başa çatan kimi aşkara çıxarıblar. Beləcə, qayda-qanuna görə, «Zaqatala»ya texniki məğlubiyyət (0:3) verilib.

 

U-15 Liqasında növbəti turun oyunları 9-10 dekabrda keçiriləcək: İsgəndər Cavadov BFA – «Zaqatala», «Keşlə» - «Sumqayıt», İOEUGİM – «Turan», «Kəpəz» - «Vətən», «Neftçi» İK İB – «Viləş», «Neftçi» - «Səbail», «Qarabağ» - «Qəbələ». Qeyd edək ki, oyunların başlama vaxtı və yeri məlumdur. Bu barədə bir qədər sonra məlumat verəcəyik.

 

Sportinfo.az

Layihə AFFA yanında Media Komitəsi tərəfindən maliyyələşdirilir.

Tarix: 7 Dekabr 11:36    Oxunub: 135    Müəllif: Sportinfo.az

Digər xəbərlər

Köşə yazarları

Xəbər xətti

17 Dekabr 2017
16 Dekabr 2017


















2013 - 2016 Sportinfo.az Sayt Mozilla Firefox, Opera və İnternet Explorer ilə də tam dəstəklənir. Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.