Azad Rəhimov “Minsk 2019” II Avropa Oyunlarının Koordinasiya Komissiyasının iclasında

“Minsk 2019” II Avropa Oyunlarının Koordinasiya Komissiyasının iclasında iştirak etmək və oyunlara hazırlıq prosesi ilə yaxından tanış olmaq məqsədi ilə Belarusda səfərdə olan gənclər və idman naziri Azad Rəhimov TVR.BY və CTV.BY kanallarına müsahibə verib.

 

Sportinfo.az xəbər verir ki, A.Rəhimov üzvü olduğu Koordinasiya Komissiyasının iclasının çox böyük əhəmiyyət daşıdığını vurğulayıb. O bildirib ki, Belarusa dünyanın müxtəlif ölkələrindən Olimpiya, Avropa Oyunları, dünya çempionatlarında çox böyük təcrübəsi olan mütəxəssislər təşrif buyurub:

 

“Koordinasiya Komissiyasının burada əsas məqsədi “Minsk 2019” II Avropa oyunlarının yüksək səviyyədə keçirilməsində Belarusa yardım göstərilməsidir. Digər məqsəd isə Minskə gələcək turist sayının artırılmasıdır. Yarışlar haqqında məlumatlarla bərabər, ölkənin mədəniyyəti, adət-ənənələri, musiqisi və tarixi haqqında xəbərlər dolğun və gözəl şəkildə media vasitəsilə ictimaiyyətə ötürülərsə, məqsədə nail olmaq mümkündür. Bunu mütləq etməlisiniz. Çünki Belarus gözəl ölkədir və biz bu ölkəni sevən çoxsaylı turistlərin burada olmasını çox arzu edirik".


Nazir "Bakı 2015" I Avropa Oyunları zamanı Azərbaycan idmançılarının Atletlər Kəndində yaşamaları, onların bu mühitlə yaxından tanış olmaları, eyni zamanda idman yarışlarında çox güclü rəqiblərlə mübarizə aparmaları, "Rio-2016" Yay Olimpiya Oyunlarına psixoloji, fiziki və mənəvi cəhətdən hazır olmaları üçün birbaşa zəmin yarandığını bildirib: “Azərbaycan idmançılarının son olimpiadada 18 medal qazanmaları bu amillərlə bağlıdı".  


A.Rəhimov “Minsk 2019” II Avropa Oyunlarına hazırlıq məqsədi ilə müxtəlif mövzuların müzakirəsinin aparıldığı Koordinasiya Komissiyasının iclasında Azərbaycanın mötəbər idman yarışlarına yüksək səviyyədə ev sahibliyi etməsindən və bununla da kifayət qədər bilik və təcrübəyə malik peşəkar gənc nəslin yetişməsindən danışıb.

 

O, 2019-cu il üçün Azərbaycanın kadr potensialından da yararlanmağın mümkünlüyünü təklif olaraq irəli sürüb.
Qeyd edək ki, II Avropa Oyunlarına 50 ölkədən 4000 idmançı qatılacaq. Onlar 15 idman növündə və 12 idman arenasında mübarizə aparacaqlar.

Tarix: 23 Sentyabr 00:24    Oxunub: 88    Müəllif: Sportinfo.az

Digər xəbərlər

Köşə yazarları

Xəbər xətti

16 Dekabr 2017
15 Dekabr 2017


















2013 - 2016 Sportinfo.az Sayt Mozilla Firefox, Opera və İnternet Explorer ilə də tam dəstəklənir. Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.