"Şəxsən mən "Qarabağ"la oyunda çox yaxşı idim" - Fabreqas

Çempionlar Liqasının ilk turunda “Çelsi” “Qarabağ”a  6:0 hesabı ilə qalib gəlib. Sportinfo.az xəbər verir ki, matçdan sonra londonluların yarımmüdafiəçisi Sesk Fabreqas matçla bağlı danışıb: 

 

“Uzun müddət idi ki, Çempionlar Liqasında oynayacağımız vaxtı gözləyirdik. Nəhayət, həmin zaman yetişdi. Bu, yaxşı preformans, əla nəticə idi.

 

Qolların qrupun son nəticəsinə necə təsir edəcəyini deyə bilmərik, ona görə də belə davam etməliyik. Bəzən zəif rəqibə qarşı daha çox hücum etmək istəyərsiniz, bəzən isə yox.

 

Amma bu gün hamının yaxşı oynadığını düşünürəm. Şəxsən mən çox yaxşı idim və biz komanda şəklində geri döndük. Ancaq buna ən yaxşı oyunumuz olduğunu demək olmaz”.

 

Fabreqas dünənki matçda fərqlənə bilməsə də, qollardan birinin ötürməsini verib. İspaniyalı həmçinin “Çelsi”ni qarşıda çətin oyunların gözlədiyini də bildirib: "Biz yavaş-yavaş artırırıq. İndi yalnız bazar günü baş tutacaq “Arsenal”la oyunu gözləyirik.

 

Bizim üçün ağır perioddu. 21 gündə 7 oyun keçirəcəyik. Bu gün baş məşqçi 5 dəyişiklik etmişdi. Keçən il belə deyildi. Çünki Çempionlar Liqasında oynamırdıq”.  

Tarix: 13 Sentyabr 14:00    Oxunub: 149    Müəllif: Sportinfo.az

Digər xəbərlər

Köşə yazarları

Xəbər xətti

24 Sentyabr 2017
23 Sentyabr 2017


















2013 - 2016 Sportinfo.az Sayt Mozilla Firefox, Opera və İnternet Explorer ilə də tam dəstəklənir. Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.