"Soruşdu ki, qaça bilirsən, “hə” dedim" - qızıl medalı vəfat edən atasına həsr etdi

Türkiyəni təmsil edən azərbaycanlı yüngül atlet Ramil Quliyev dünya çempionatında qazandığı qızıl medalı mərhum atasına həsr edib.

 

Sportinfo.az xəbər verir ki, “İhlas” xəbər agentliyin müsahibəsində o deyib ki, məhz atasının istəyi ilə hazırda yarışdığı idman növünü seçib:

 

“Ona qədər başqa idman növləri ilə məşğul olmuşdum. Bir gün atam məni yüngül atletika məşqinə gətirdi. Elə ilk gündəcə məşqçi dedi ki, sabah yarış var, iştirak edəcəksən.

 

Cavab verdim ki, axı təzəyəm, yarışda necə iştirak edə bilərəm. Soruşdu ki, qaça bilirsən, “hə” dedim. Beləliklə, ertəsi çıxıb yarışda qaçdım və qalib oldum. Onda düşündüm ki, bu nə asan idman növüdür. Sonra yüngül atletikaya davam etdim”.

 

Ramil Quliyev deyib ki, atası onun ən böyük azarkeşi və ilk məşqçisi olub: “Qızıl medalı ona həsr edirəm. Mən onu 2010-cu ildə itirdim. O hər zaman inanırdı ki, mən dünya çempionu olacam”.

Tarix: 13 Avqust 17:22    Oxunub: 225    Müəllif: Sportinfo.az

Digər xəbərlər

Köşə yazarları

Xəbər xətti

17 Oktyabr 2017
16 Oktyabr 2017


















2013 - 2016 Sportinfo.az Sayt Mozilla Firefox, Opera və İnternet Explorer ilə də tam dəstəklənir. Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.