Zaqatala staduonunda 13 dəqiqəlik HADİSƏ

Zaqatalada şəhərin eyni adlı komandası ilə “Səbail”in 19 yaşlılardan ibarət komandası arasında keçirilən yoxlama görüşü yarımçıq başa çatıb.

 

Sportinfo.az rekord.az-a istinadən xəbər verir ki, buna “Səbail”in baş məqçisi Vasif Haqverdiyevin komandasını meydandan kənara çıxarması səbəb olub.

 

Oyunun ilk dəqiqələrindən yerli komandanın üzvləri özlərindən yaşca kiçik olan “Səbail” futbolçularına qarşı kobud oynamaqla rəqiblərinin gözlərini qorxutmağa çalışıblar. Hətta bir neçə epizodda bu kobudluqlar zədələnmə təhlükəsi də yaradıb.

 

Haqverdiyev oyunu idarə edən yerli hakimlərə və rəqib komandanın məşqçilər korpusuna öz etirazını bildirsə də, bu etirazlardan bir nəticə hasil olmayıb.

 

Əlacsız qalan məşqçi oyunun 13-cü dəqiqəsində komandasını meydandan kənara çağıraraq onlara soyunub-geyinmə otağına yollanmağı göstəriş verib.

 

Bu komandalar arasında bir neçə gün öncə də görüş keçirilmiş və meydan sahibləri 1:0 hesabı ilə qələbə qazanmışdı.

Tarix: 13 Avqust 12:59    Oxunub: 523    Müəllif: Sportinfo.az

Digər xəbərlər

Köşə yazarları

Xəbər xətti

17 Oktyabr 2017
16 Oktyabr 2017


















2013 - 2016 Sportinfo.az Sayt Mozilla Firefox, Opera və İnternet Explorer ilə də tam dəstəklənir. Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.