Tbilisidə qarışıq idman növləri üzrə dünya çempionatı başladı

Gürcüstanın paytaxtı Tbilisidə qarışıq idman növləri üzrə dünya çempionatı başlayıb. “Report”un Gürcüstan bürosu xəbər verir ki, müxtəlif ölkələrdən 300-dək idmançının iştirak etdiyi çempionatda Azərbaycan 12 idmançı ilə təmsil olunur.


Sportinfo.az xəbər verir ki, iki gün davam edəcək dünya çempionatında yeniyetmə və gənclər, eləcə də, böyüklər mübarizə aparacaqlar.


Bu gün çempionatın rəsmi açılışı olub, idmançılar müxtəlif idman növləri üzrə bacarıqlarını nümayiş etdiriblər.


Azərbaycanın “Qartal” peşəkar idman klubunun baş məşqçisi Yaqub İbrahimov jurnalistlərə bildirib ki, idmançılarımız bu çempionatda idmanın iki növü - Muay thai və Uşu sanda üzrə mübarizə aparacaqlar.

 

Baş məşqçi idmançılarımızın bu çempionatda Azərbaycan bayrağını yüksəldəcəklərinə əmin olduğunu bildirib.
Gürcüstan Qarışıq İdman Federasiyasının prezidenti Kaxa Basia bildirib ki, Gürcüstan bu turnirin yüksək səviyyədə keçirilməsini öz üzərinə götürüb.

 

Bir ay öncə idmançılar Batumidə qonaq olublar. “Çalışırıq ki, yarışmanı yüksək səviyyədə təşkil edək və qonaqlar təşkilatçılıqdan razı qalsınlar”, - deyə Basia vurğulayıb.

Tarix: 30 İyul 14:20    Oxunub: 144    Müəllif: Sportinfo.az

Digər xəbərlər

Köşə yazarları

Xəbər xətti

19 Yanvar 2018
18 Yanvar 2018


















2013 - 2016 Sportinfo.az Sayt Mozilla Firefox, Opera və İnternet Explorer ilə də tam dəstəklənir. Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.