Bakıda 6 yeni tennis kortu istifadəyə verildi - FOTO

İdman Tennis Kompleksinin əsaslı təmirdən sonra açılışı olub. Sportinfo.az xəbər verir ki, tədbirdə nazir Azad Rəhimov, Azərbaycan Tennis Federasiyasının prezidenti Oqtay Əsədov və digər rəsmi şəxslər iştirak ediblər.


Bakı şəhəri, Nərimanov rayonu, S.Əbdürrəhimov küçəsi 12 ünvanda fəaliyyət göstərən İdman Tennis Kompleksi 1986-cı ildə inşa edilib. Fəaliyyət göstərdiyi müddətdə burada əsaslı təmir və yenidən qurma işləri aparılmayıb.

 

Bu ilin birinci yarısından başlayaraq İdman Tennis Kompleksinin bina və qurğularında əsaslı təmir, yenidənqurma, cari təmir işlərinə başlanılıb və əlavə zəruri tikinti-quraşdırma işləri aparılıb. 

 

Kompleksin Əsas binası, tribunası gözətçi-keçid binası əsaslı təmir olunub, 6 ədəd tennis kortlarının xüsusi tennisit örtüyü dəyişdirilib, ətrafının metal-tor hasarı təmir edilib, işıqlandırma sistemi yenidən qurulub və müvafiq ləvazimatlarla təmin olunub.


Bundan əlavə, kompleksin fəaliyyətinin tam təmin edilməsi üçün ərazidə əlavə olaraq Əsas binaya bitişik Fitnes zalının tikintisi, Masaj otağının tikintisi, Qazanxananın tikintisi, Nasosxananın tikintisi, 60 m3 –lik su anbarının tikintisi, 120 m3-lik çirkab su anbarının tikintisi işləri yerinə yetirilib. Yeni sahəvari qaz xətti çəkilib, elektrik xətti bərpa olunub, çirkab su və drenaj şəbəkəsi təmir olunub.


Əsasli təmir və yenidənqurma işlərindən sonra əsas binada fitness zalı, inzibati otaqlar, kafe, gözləmə zalı-holl, məşqçi otağı, soyunub-geyinmə və duş qəbulu otaqları, sanitar qovşaqlar, sauna, təsərrüfat otağı, camaşırxana fəaliyyət göstərir.

 

Ərazidə 6 ədəd tennis yer örtüklü açıq tennis kortları fəaliyyət göstərir.
Ərazidə asfalt və tamet örtüyü vurulub, abadlıq-yaşıllaşdırma işləri həyata keçirilib. Bina və meydançalar müasir avadanlıq, mebel və ləvazimatlarla təchiz olunub.

Tarix: 14 İyul 12:00    Oxunub: 165    Müəllif: Sportinfo.az

Digər xəbərlər

Köşə yazarları

Xəbər xətti

15 Dekabr 2017
14 Dekabr 2017


















2013 - 2016 Sportinfo.az Sayt Mozilla Firefox, Opera və İnternet Explorer ilə də tam dəstəklənir. Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.