Azərbaycan Qran-prisinə öz musiqiləri ilə Meraya Keri yekunu

İyunun 25-də Azərbaycan Qran-Prisi başa çatdıqdan sonra "Formula-1" Şəhərciyində maraqlı əyləncə proqramı təşkil edilib. Sportinfo.az xəbər verir ki, möhtəşəm avtomobil yarışında yüksək adrenalin yaşayan azarkeşlər idman mübarizəsindən sonra gözəl musiqilərin sədası altında əyləniblər.

 

Yarış həftəsonu başa çatarkən dünyanın ən tanınmış müğənnilərindən olan Meraya Keri əsas səhnədə yer alaraq məşhur musiqi proqramı ilə Azərbaycan Qran-prisinə yekun vurub. Dünya pop-ulduzu Meraya Kerinin mahnıları indiyədək ümumilikdə 220 milyondan çox satılıb.

 

"Formula-1" Azərbaycan Qran-Prisinin əyləncə proqramı möhtəşəm atəşfəşanlıqla başa çatıb. Meraya Keriyə ABŞ-da “Nömrə-1” ünvanını qazandıran 18 mahnıdan 17-sinin sözləri ona məxsusdur. Sahib olduğu beş oktav səs gücü və peşəkar yanaşması ilə Meraya Keri müasir pop musiqisinə yeni çalarlar gətirib.

 

İfaçı mahnı sözlərinin yazıçısı və prodüser kimi çox sayda mükafata, o cümlədən dəfələrlə “Grammy”, 21 dəfə Amerika Musiqi Mükafatına, “Billboard”ın “Son onilliyin ən yaxşı müğənnisi”, “Minilliyin ən çox mahnı satan qadın müğənnisi” ünvanını əldə etdiyinə görə Ümumdünya Musiqi Mükafatına və mahnı sözlərinin yazılmasında göstərdiyi yüksək peşəkarlığa görə BMI-in “İkona” mükafatına layiq görülüb.

Tarix: 26 İyun 17:12    Oxunub: 149    Müəllif: Sportinfo.az

Digər xəbərlər

Köşə yazarları

Xəbər xətti

24 Noyabr 2017
23 Noyabr 2017


















2013 - 2016 Sportinfo.az Sayt Mozilla Firefox, Opera və İnternet Explorer ilə də tam dəstəklənir. Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.