Azərbaycanın adından Avropa çempionatına gedənlərin hamısı qazandı!

Tbilisidə idmanın uşu növü üzrə Avropa çempionatı keçirilir. Sportinfo.az "report”un Gürcüstan bürosu istinadəb xəbər verir ki, Azərbaycan idmançıları çempionatda 2-i qızıl olmaqla 6 medal qazanıblar. Ölkəmizə ilk qızıl medalı 80 kiloqram çəkidə, böyüklər arasında mübarizə aparan Ağahüseyn Vəliyev qazandırıb.

 

O, Rusiya və Ukraynadan olan idmançıları məğlub edərək finala yüksəlib. Finalda Ağahüseyn Türkiyə idmançısı ilə qarşılaşıb. Bu mərhələni də uğurla başa vuran idmançımız ilk qızıl medalı qazanıb. Böyüklər arasında mübarizə aparan Mail Rüstəmov (56 kq) Xorvatiya, Moldova və Polşadan olan idmançıları məğlub etsə də, finalda Rusiyadan olan idmançıya uduzaraq gümüş medala sahib olub.


Füzuli Vəliyev (90 kq) Gürcüstan və Çexiyadan olan idmançıları mübarizədən kənarlaşdıraraq finala yüksəlib. Finalda o, Latviyadan olan idmançıya məğlub olaraq gümüş medal qazanıb. Gənclər arasında mübarizə aparan idmançımız Rasim İsmayılov (48 kq) Gürcüstan və Rusiyadan olan idmançıları məğlub edərək finala çıxıb. Gərgin mübarizə şəraitində keçən finalda Rasim İsmayılov Belarus idmançısını məğlub edərək qızıl medala sahib olub.


Gənc idmançılarımızdan Emin Abbasov (56 kq) və Riyad Həsənov (65 kq) çempionatın bürünc medallarına sahib olublar. Ağahüseyn Vəliyev jurnalistlərə müsahibəsində qələbəsini IV İslam Həmrəyliyi Oyunlarında mübarizə aparan dostlarına həsr etdiyini deyib: "İnanıram ki, biz öz bacarığımız və mübarizəmiz sayəsində ölkəmizin nüfuzunu daha da artıracağıq”.


Komandanın böyük məşqçisi Rəşad İsmayılov isə deyib ki, bu gün Azərbaycanda idman yüksək sürətlə inkişaf edir. Azərbaycan Prezidenti İlham Əliyevin idmana qayğısının nəticəsidir ki, idmançılarımızın beynəlxalq yarışlarda medallar qazanması ənənəvi hal alıb. Buna görə dövlət başçısına və Azərbaycan Uşu Federasiyasının rəhbərliyinə minnətdaram. Onun sözlərinə görə, bu yarışda qalib gələn idmançılarımız sentyabrda keçiriləcək dünya çempionatına vəsiqə də əldə ediblər.

 

Məşqçi Yaqub İbrahimov isə bildirib ki, çempionatda 31 ölkə iştirak edir. Azərbaycan bu çempionata 6 idmançı ilə gəlib: "Onların da hamısı ölkəmizə medalla qayıdırlar. Bu bizim dövlətimizin idmana olan qayğısının bariz nümunəsidir". 

 

Gümüş medalçı Mail Rüstəmov da qələbə sevincini bölüşüb: “Çox gərgin görüşlərimiz oldu. Azərbaycanımızda da İslam Həmrəyliyi Oyunları keçirilir. Orada da idmançı yoldaşlarımız medallar qazanırlar. Biz də bu çempionatdan medallarla qayıtmağı qarşımıza məqsəd qoymuşduq. Ona da nail olduq. Bu münasibətlə məşqçilərimə minnətdaram və bütün yoldaşlarımı təbrik edirəm”.

Tarix: 20 May 00:46    Oxunub: 109    Müəllif: Sportinfo.az

Digər xəbərlər

Köşə yazarları

Xəbər xətti

27 İyun 2017
26 İyun 2017


















2013 - 2016 Sportinfo.az Sayt Mozilla Firefox, Opera və İnternet Explorer ilə də tam dəstəklənir. Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.